Skype គឺជាកម្មវិធីមួយដែលបង្កភាពងាយស្រួលដល់មនុស្សនៅទូទាំងពិភពលោកឲ្យអាចសន្ទនាគ្នាពីចម្ងាយបាន។ មនុស្ស និងអ្នករកស៊ីរាប់លាននាក់នៅទូទាំងពិភពកំពុងប្រើ Skype ដើម្បីហៅគ្នា ឬទូរស័ព្ទទំនាក់ទំនងគ្នាជា សំឡេង (voice calls) និង វីឌីអូ (video calls) (មើលគ្នាឃើញពេលនិយាយ), ផ្ញើសារភ្លាមៗ (instant messaging) ទៅវិញទៅមក និងផ្ញើឯកសារ ឬចែករំលែកឯកសារគ្នា ជាមួយអ្នកដែលកំពុងប្រើគណនី Skype ដូចគ្នា។ អ្នកអាចជ្រើសរើសឧបករណ៍ប្រើជាមួយ Skype បានតាមចិត្តដែលអ្នកគិតថា ល្អបំផុតសម្រាប់អ្នក ដូចជា ប្រើទូរស័ព្ទចល័ត, កុំព្យូទ័រ ឬទូរទស្សន៍ដែលមានកម្មវិធី Skype ជាដើម។
អ្នកអាចទាញយក (download) កម្មវិធី Skype បានដោយមិនបាច់បង់ប្រាក់ទេ។ វាជាកម្មវិធីមួយស្រួលប្រើណាស់។
ប្រសិនបើអ្នកបង់ប្រាក់តែបន្តិចបន្តួច ពេលនោះអ្នកអាចប្រើប្រាស់មុខងាររបស់វា បានកាន់តែច្រើន ដូចជា៖ អ្នកអាចហៅទៅទូរស័ព្ទ, អាចភ្ជាប់ជាមួយ Wi-Fi អាចប្រើ SMS (សារជាអក្សរ) ព្រមទាំងអាចហៅគ្នា ឬសន្ទនាគ្នាជាក្រុមដោយមើលគ្នាឃើញ (ដូចជាធ្វើសន្និសីទ)។ អ្នកអាច បង់ប្រាក់តាមការប្រើប្រាស់ជាក់ស្ដែង ឬអាចជាវប្រើប្រាស់ប្រចាំក៏បាន មានន័យថា អ្នកអាចជ្រើសយកមួយណាក៏បាន ឲ្យតែល្អសម្រាប់អ្នក។
ជាពិសេសទៅទៀត នៅក្នុងពិភពអ្នករកស៊ី ការប្រើប្រាស់ Skype មានន័យថា អ្នកអាចធ្វើឲ្យប្រព័ន្ធទំនាក់ទំនង រវាងបុគ្គលិក ដៃគូ និងអតិថិជន ធ្វើការរួមគ្នាដើម្បីអ្វីមួយសម្រេចជោគជ័យ។
សូមចាប់ផ្ដើមសាកប្រើ Skype ពីថ្ងៃនេះទៅ និងចាប់ផ្ដើមបន្ថែម ឬបញ្ចូលមិត្តភ័ក្ដិ សមាជិកក្រុមគ្រួសារ និងអ្នកធ្វើការជាមួយអ្នក ទៅក្នុងគណនី Skype របស់អ្នក។ ការរក មិត្តភ័ក្ដិ សមាជិកក្រុមគ្រួសារ និងអ្នកធ្វើការជាមួយអ្នក មិនពិបាកទេ ព្រោះថា មនុស្សរាប់រយលាននាក់បាននិងកំពុងប្រើប្រាស់ Skype ដើម្បីធ្វើអ្វីៗគ្រប់យ៉ាងរួមគ្នា រួចទៅហើយ។
No comments:
Post a Comment